Fotoalbum

Skanderborg-imi d. 5. juni 2010 Peqatigiiffik Upernavimmiut.dk naapipput ataatsimeersuarnertalimmik.

 

Inuit takkussuutilerput nal. 13.00 missaani taavalu

Nal. 14.: Matut ammarput pisisoqarsinnaalerlunilu imeruersaatinik assingiingitsunik kaffe-soqatigiinnissap tungaanut.

 

Nal. 15-00 Siulersuisoq tikilluaqqusivoq taavalu kaffesoqatigiinneq aallartippoq Ataatsimeersuarneq

Siulittaasoq ataatsimeersuarnermut tikilluaqqusivoq aallaqqaammullu oqaatigalungu nalunaarutigineqareersimasutuut nammineq qiningassanngorteqqissannginami. Ilanngullungu saqqummiuppai assingiingitsut peqatigiiffik pilermallu naapitarnerni pisartut ilisimatitsissutingalungit. Ilaanngullu oqaatingaa maanna naapinnerit tamaasa inuit 50 sinnerlungit peqataasartut. Taamaalillunilu saqqumiuppaa peqatigiiffik ingerlalluarnera ilaasortallu amerliartuinnarneri aamma eqqarlungu. Siulersuisoq saqqummiussereermat aningaaserisoq saqqummiussivoq ukiumut aningaasatingut qanoq peqatigiiffik ingerlasimasoq aningaasartuutit isertitallu nassuiarpat, ilanngullungu nalunaarutingalungu nerinermut aningaasartuutit naapinermi akisunerulaartut pissutingalungu Upernavimmiut kalaaliminernik pisiniarnikuungatta.  Taamaakkaluaq ukioq 2009 peqatigiik qujanartumik sinneqartoorpoq.

Siulittaasup aningaaserisullu saqqummiussereernerisa kingorna

siulittaasumik nutaamik qiniisisoqarpoq. Tassani siunnersuutingineqarput Ruth-i, AneMarie, Kaati.

Siullermi taasinermi Ruth, Anemarie-lu nalingiimmata taasineqaqqippoq, aappassaanik taasinermi  Ruth-i ikannerussuteqarami siulersuisutut qinerneqarpoq. Aammattaaq

Siulersuisunut ilaasortanik pingasunik, taavalu sinniisussamik ataatsimik qiniisisoqarpoq.

Tassani siunnersuutingineqarput Kaati, Jensigne, AneMarie, Sara. Taakkulu siulersuisunut ilaasortanngorput. Immikkut Kaati allatsitut toqqareerlungu siulersuisunut inissippaat, tamanna siulersuisut ataatsimiillutit inisitsitserneranni aatsaak aaliangerneqartussaangaluaq.

 

Ilaasortaanermut akiliutip qaffalaarnissaa siunnersuutingineqarsimasoq oqallisingineqareerluni aaliangerneqarpoq ilaasortaanermut akiliut nikissanngitsoq kisiannili nerinermut akiliut qaffanneqassasoq pissutigalungu ilaasortat piumasarimmassuk naapinnerit tamaasa kalaalimertalinnik nerisoqartarnissaa.

 

Ilaasortaniik aamma piumasarineqarpoq peqatigiiffik taamaateriataassangaluarpat aningaasaateqarluni, aningaasaatai sumut ingerlatinneqarniarnersut / atorneqarniarnersut siulersuit aaliangissangaat, tamannalu aaliangingaq maleruaqqusamut ikkunneqassasoq.

 

Ilaasortanik aamma siunnersuutigineqarpoq naapilernerit tamaasa festkometi-mik pilersitsisoqartassasoq taakkulu naapinnermi aliikkusersuinerit, assingisaallu ingerlattassammasingit.

 

Ilaasortat aaliangerpaat tulliani naapinnissaq Fredericia-mi pissasoq Oktober 30-ani.


Ataatsimeersuareernerup kingorna ataatsimoorluta assileqatigiippungut, tamatumalu kingorna nereqatigiinnissaq utaqqiisaa silami alianaarsaarujoorlutik pipput erinarsullattaannguaq.

 

Nereqatigiinermi assingiingitsunik aliikkusersoqatigiinneqarpoq. Erinarsorlutik unamioraarput assingiingitsunillu aliikkusersoqatiinneqarluni.

 

Erinarsorluni unamminermi Dommer-iupput Bent aamma Juliane, erinarsortitsillutillu aaqqissuisuupput AneMarie aamma Sara.

Erinarsorluni unammisut ima inissinneqarpoq

 

Nr. 1. Benigne aamma Andrea taakku erinarsoramikku Benignep taalliaa erinniaalu.

Nr. 2. ”Marlorsuit” tassaassullu Sara aamma Uthilie.

Nr. 3. “Upernavik All Stars” tassaasullu Kuuna aamma Juaanna

Nr. 4. “Upernavik Sweatheart” tassaapput Kaati aamma Juaanna

Nr. 5. “Becha” tassaasut Benigne aamma Charlotte

Nr. 6 Lena aamma Mina

Nr 7. “Upernavik All Stars” Juaanna aamma Kuuna.

 

Nuannisareeqalutaasiit assinginngitsunillu sammisaqareerluta naapinneq naammassivoq nal.:  23.00

Der er endnu ingen billeder i fotoalbummet.